ورجعتلى

ورجِعتلى....

رجَعتلى كل اللى فات...

ورجعت أحلم بين ايدين ..

الذكريات..

شفت ف عنيك كل المعانى..

مزوقة...

وفرشتلى كل السنين حب..

ولُقا...


ورجعتلى...

وعنيك بتسأل أسئلة....

مالهاش ردود...

ولقتنى بكل شوق....

باعدى بيك كل الحدود..


ورجعتلى.....

ورجعت أحلم جوة قلبك...

بالأمان....

ونسيت ف حضنك الأسى..

وكل اللى كان...

رجعت طيور الكون تغنى..

ف عشها..

وبكل حب تدور ترفرف...

فى السما..

رجعت معاك الأمنيات...

متبسمة...

حتى الشجر...

كان نفسه يحلم بالخضار..

والليل ف بعدك كان بيحلم ...

بالنهار..


ورجعتلى..

رجع الطريق يصالح..

خطوتى..

حتى السما رجعت تلحن..

غنوتى..


قربلى يلاخلينى أشوف..

قلبى ف عنيك..

قرب كمان..


وأحضن ملامحى الطيبة..

وشبك ايديك...

وارجع بقلبك كام سنة...

وهارجع أنا..

وارسم على كل الحيطان..

قلبين وكلمة حنينة..