يا قصيده فارقتني مهرة مثل الهنوف
السلام عليكم00هذه قصيده جميله ارجو ان تنال رضاكم 00لكم مني اجمل تحيه ودمتم بخير
يا قصيده انثريني وعبري حزني بحـروف
وانزفي لك من عروقي اصدق احساس وكلام
واكتبي جزل القوافي للعيون اللـي تشـوف
وارسمي جرح ٍ دفنته باقي من عهد الغـرام
يا قصيده فارقتنـي مهـرة ٍ مثـل الهنـوف
اجذبتني في حلاها واجرحتني مـن سهـام
والمصيبه هو خفوقي في مودتهـا شغـوف
لو جفتني العمر كله غيرهـا يبقـى حـرام
يا قصيده في زمنّا ما تجاريهـا الوصـوف
فتنة ٍ ربـي خلقهـا تسهـر عيـون ٍ تنـام
آتلكك في الكلام ورعشتي ما هـي بخـوف
هذا حالي في لقاها ومنهـو مثلـي لايـلام
الغياب اللي خذاها مثـل طعنـات السيـوف
ما ارحمتني من دموع ٍ سكبها مثـل الغمـام
يا قصيده في غلاها يوووه يا كثر الحلـوف
احلف اني واحلف اني في هواهـا مستهـام
عبريني يا قصيده وانزفينـي يـا حـروف
يا عسى وصلي يوده صاحب ٍ فقـده حـرام
موضوع: يا قصيده فارقتني مهرة مثل الهنوف 
الجمعة يوليو 16, 2010 12:17 am